ਪਟਿਆਲਾ, 16 ਸਤੰਬਰ ( ਪੰਕਜ) :-ਪਟਿਆਲਾ  ਦੇ ਅਰਬਨ ਅਸਟੇਟ ਇਲਾਕੇ ਵਿੱਚ  ਭਾਰਤ ਸਰਕਾਰ ਦੇ ਇਨਫੋਰਸਮੈਟ  ਵਿੰਗ ( ਈ.  ਡੀ ) ਵੱਲੋਂ ਵੱਡੀ ਕਾਰਵਾਈ ਕਰਦਿਆਂ ਫੇਜ਼-2 ਦੀ ਕਮਰਸ਼ੀਅਲ ਮਾਰਕੀਟ ਸਥਿਤ ਤਿੰਨ ਸ਼ੋਅਰੂਮਾਂ ’ਤੇ ਛਾਪੇਮਾਰੀ ਕੀਤੀ  ਗਈ ਹੈ।  ਦੇਰ ਰਾਤ ਸ਼ੁਰੂ ਹੋਈ ਇਹ ਕਾਰਵਾਈ  ਸਵੇਰ ਤੱਕ ਜਾਰੀ ਸੀ  ਰਿਪੋਰਟਾਂ ਮੁਤਾਬਕ ED ਦੀ ਟੀਮ ਨੇ ਅਰਬਨ ਅਸਟੇਟ ਦੇ ਤਿੰਨ  ਸ਼ੋਅ ਰੂਮਾਂ 8, 9 ਅਤੇ 10 ਨੰਬਰ ਵਿੱਚ ਜਾਂਚ ਕੀਤੀ। ਇਹਨਾਂ ਪਰਿਸਰਾਂ ਨਾਲ ਜੁੜੀਆਂ ਫਲਾਇੰਗ ਫੈਦਰਜ਼ ਅਤੇ ਡੀਐੱਮ ਵੈੱਬ ਬੇਸਡ ਸਲਿਊਸ਼ਨਜ਼ ਨਾਮ ਦੀਆਂ ਕੰਪਨੀਆਂ ਦੇ ਦਸਤਾਵੇਜ਼ਾਂ ਅਤੇ ਹੋਰ ਰਿਕਾਰਡ  ਨੂੰ ਕਬਜ਼ੇ ਵਿੱਚ ਲੈ ਕੇ ਇਨ੍ਹਾਂ ਦੀ ਦੀ ਜਾਂਚ ਕੀਤੀ ਜਾ ਰਹੀ ਹੈ।

ਕਾਰਵਾਈ ਕਰਦਿਆਂ ਅਧਿਕਾਰੀਆਂ ਵੱਲੋਂ ਦਸਤਾਵੇਜ਼, ਕੰਪਿਊਟਰਾਂ ਵਿੱਚ ਦਰਜ ਡਾਟਾ ਅਤੇ ਹੋਰ ਸਬੰਧਤ ਰਿਕਾਰਡ ਖੰਗਾਲੇ ਜਾਣ ਦੀਆਂ ਰਿਪੋਰਟਾਂ ਮਿਲੀਆਂ ਹਨ । ਇਨਫੋਰਸਮੈਂਟ ਵਿੰਗ ਵੱਲੋਂ ਪੂਰੀ ਇਮਾਰਤ ਨੂੰ ਸੀਲ ਕੀਤੇ ਜਾਣ ਦੀ ਰਿਪੋਰਟ ਮਿਲੀ ਹੈ। 

ਕੇਂਦਰ ਦੀ ਏਜੰਸੀ ਈਡੀ ਨੇ ਮੋਹਾਲੀ ਦੇ ਆਈਟੀ ਸਿਟੀ ਦੇ ਸੈਕਟਰ 82 ਏ ਦੇ ਪਲਾਟ ਨੰਬਰ 2010 ‘ਤੇ ਵੀ ਛਾਪਾ ਮਾਰਿਆ ਹੈ। ED ਦੀ ਇਹ ਕਾਰਵਾਈ ਪਹਿਲਾਂ ਤੋਂ ਮਿਲੀ ਜਾਣਕਾਰੀ ਅਤੇ ਚੱਲ ਰਹੀ ਜਾਂਚ ਦੇ ਆਧਾਰ ’ਤੇ ਕੀਤੀ ਗਈ ਹੈ। ਹਾਲਾਂਕਿ, ਛਾਪੇਮਾਰੀ ਕਿਸ ਮਾਮਲੇ ਨਾਲ ਸਬੰਧਤ ਹੈ ਅਤੇ ਜਾਂਚ ਦੌਰਾਨ ਕੀ ਕੁਝ ਸਾਹਮਣੇ ਆਇਆ ਹੈ, ਇਸ ਬਾਰੇ ਅਧਿਕਾਰੀਆਂ ਵੱਲੋਂ ਫਿਲਹਾਲ ਕੋਈ ਅਧਿਕਾਰਤ ਜਾਣਕਾਰੀ ਸਾਂਝੀ ਨਹੀਂ ਕੀਤੀ ਗਈ।

Powered by Froala Editor